من ساعة ماتش الاهلي و الناس في الشارع و على النت و في بعض المدونات و على الفيس بوك
ملهم سيرة غير ان الاهلوية يدافعوا عن الاهلي و الزملكاوية اللي مش هم يعني
يشمتوا في الاهلي
و استغربت اية اللي خلي الناس متعلقة بالموضوع دة كد ؟
عايز تعرف اجابة السؤال انا اقلك
يمكن لان الاهلي ادي امل للناس ان مصر اسمها يتعرف للعالم كله و لو لمرة حتى و لو عن طريق الكورة
بدل ما احنا هيبتنا في الارض في كل مجال
حضرتك ادخل على اي شات و اتكلم مع امريكي و قله مصر
هيفكرها ولاية في امريكا
و لو قلتله دي دوله مش هتقدر تقله الا دولة الاهرامات
يعني دولة الحجارة
انا عمرى ما بسخر من حضارتنا الفرعونية و اللي عرفني منكم يعرفوا اد اية بحب حضارتنا و تراثنا
بس هي الناس متعرفناش إلا بالهرم
يعني متعرفناش بالاسلام
متعرفناش بالمصريين المتحضرين اللي ليهم راي و تاريخ
طبب حضرتك جرب وادخل جوجل
و اكتب
war1973
هتلاقي النتائج الانجليزية اللغة بتكلم عن هزيمة مصر الساحقة في وجهه اسرائيل عام 1973 يوم السادس من اكتوبر
اللي مش مصدق يجرب
يا عالم انا صحيح زعلان على الاهلي
بس زعلان على مصر اكتر
و زعلان على الاسلام اكتر و اكتر
عايزين نعمل حاجة
يا ترى نقدر نعمل حاجة
و نعمل اية
هو دة السؤال
و يارب اللاقي اجابة
------------------
----------------
21 comments:
والله يا شمس البوست بتاعك صغير في كلماته كبير جداً فيما يحويه , والله فعلاً المفروض نعمل حجات كتير جداً علشان نطلع مصر من مفهوم دولة الحجارة , أنا ممكن أقولك أسباب علشان الناس بتقول علينا كدة .
أولاً أحنا شعب بنحب الماضي جداً وبنغرق فية لدرجة أننا بننسي الحاضر
ثانياً الحكومة عندنا ماشاء الله عليها بتهتم بالتاريخ وبتنسي الحاضر , أهتمامها الأساسي على الأجداد ونسيت أنه في مصريين عايشين الآن , مفيش مكان في مصر لعلماء ولا مفكرين ولا أى حد عاوز يعمل أى حاجة صح
ودلوقت يا شموس حتى الأهرامات ممكن تكون مش في بلدنا , واللي خلاهم يعملوا مدينة الأقصر مش صعب عليهم الأهرامات.
أما عن ما يجب علينا فعله
أنا معنديش إجابة بصراحة أو الإجابة عازلها 50 أو 60 بوست للرد عليها
تحياتي شموس
حمادة زيدان
هنعمل ياشمس
ان شاء الله هنعمل
ومش هنيأس ابدااا
بكرة العالم كله يسمع عننا ويتمني يكون زينا
ده حلم احنا الي بايدينا نحققه
نصر 73 هيبقي نصر عندنا كل يوم
كل لحظة كل ثانية
بارادتنا وعزيمتنا باخلاصنا بحبنا لبعض باخلاصنا بعلمنا باخلاقنا بدينا
هنرجع تاني زي ما كنا
افضل الامم
ماتنساش حلمك ياشمس
و
حرر القدس
شموس
عيش يا عم
شموس
عيش يا عم
---------
عجبنى اوى الكومنت ده معرفش ليه
موضوعك جميل ياشمس بس انا واحده من ضمن الناس اللى حزنت على الاهلى حبا فيه مش بس عشان كان هيشرفنا ويروح اليابان
الصراحه سبب حزنى الظلم والكاس اللى راح ودموع لعيبة الاهلى اللى مبتحملهاش ورقصة الحضرى على المرمى اللى بتخلينى طايره معاه فى الهوا ومانويل جوزيه "انا بحترم هذا الرجل لانه صنع اهلى جديد فى فترة كان الاهلى فيها مستواه ضعيف جدا " كان نفسى اشوف الفرحه فى عيونهم بس الحمد لله
بالنسبه بقى لموضوعك يازناتى ان مافيش دول تعرف مصر فده اللى عملته فينا الحكومه وافتكر هى مسؤلية وزراة الثقافه ان نشاطها يكاد يكون معدوم
يعنى مثلا يعملو مسابقات رسم ونشارك بيها بره ساعتها هيتكتب المتسابق الفلانى من مصر فهيعرفو ايه مصر وهيتكتب على النت شارك فى المسابقه الفلانى من مصر مش عارفه فاهمنى ولا لأ
يعنى وممكن حد يرسم 73 والعلم مرفوع هيعرفو ان دى 73 اللى مصر انتصرت فيها على اليهود
اليهود هما اللى عملو كده من زماااان من غير احنا ما نحس عشان يخلو الناس تنسى هزيمتنا ليهم فى 73 بس هما مش ناسيين وعمرهم ماهينسو
موضوع جميل ياشمس تسلم الايداى
سلام
طيب شاور لى على حاجة بننجز فيها ياشمس
مش لاقيين حاجة مفيش نصر ولا إنجاز
ولا صناعة ولا زراعة
ولا حتى فن كله باظ
إحنا وصلنا للبدروم
مش مشكلة العالم يعرف عنا إيه
المهم يكون عندنا حاجة بنعملها ونفتخر بيها
لنفسنا فخر شخصى يعنى
إوعى يغرك العالم الاوربى والامريكى
دول ناس جهلة إحنا بنبحث ونتابع ونقرأ
لكن لو سألت الامريكى عن شأن امريكى داخلى
او حدث فى احدى ولاياته مش حيعرف
دول بيقروا فى تخصصاتهم فقط
تتصور انا فرحت كده اهو
لقيت شىء افخر به اولاد وبنات بلدى
اكثر ثقافة وإطلاع من الاوربيين والامريكان
إيه رأيك بقى؟
اهو شىء يفرح اهوه
و بإذن الله المصريين حيقوموا تانى
صحيح انا زعلت انه الأهلى خسر بعد الأمل الكبير اللى كان متعلق عليه انه يكسب و ف حضور الرئيس و جمهور الأهلى و على أرضنا
ياريته اتهزم هناااااااااااااك
بس كل دة مش معناه اننا نسيب كل حاجة و نهتم بس الأهلى و الزمالك عملوا ايه و مش عملوا ايه
فيه حاجات كتير فعلا ف حياتنا محتاجة مننا اهتمام و أكبر بكتير
زى مصرنا و دينا و أخلاقنا و معاملة الناس و تكيفنا مع حياتنا و و
بحييك على البوست
شمس
احب اقللك ان مفيش حد في مصر مزعلش علي الاهلي بنجومه وعظمته وكل حاجه حلوه موجوده فيه وهو اللي كان بيفرح الشعب في كل وقت
اما موضوعك اللي هو مصر
انا من رايئي ان المفروض بقي كده خلاص
الناس زي متكون مش دريانه بحاجه
لكن كل واحد عارف وبيقول من عايش وخلاص وده اللي جايب اسم مصر وشعبها في سوي الارض
والمفروض كل واحد يقدر يعمل حاجه يعملها ويهبش ولا حكومه ولا غيرها
ونقول هتخاف من الحكومه ليه مهي باعت بلدك وعملت كل حاجه هي عايزاها في البلد
والناقص وده هيحصل كمان شويه
انك تيجي تسأل واحد تعرف مصر
يقوم يرد ويقللك مين مصر
وياريت كل الناس تتحرك بقي
تحياتي ليك
مش معقول تبقى بتكتب كلام عيال
وأنا عامل يوميات عيل مصري وما نتعرفش على بعض
في انتظار تشريفك
غريبه موضوه سنه1973 دى يا شمس
هو فععلا النسا كان عندها امل فى الاهلى و لكن بقى نعمل ايه الريس حضر الماتش
يلا خيرها فى غيرها
تحياتى اليك
ابو مفراح
حمادة زيدان
حمادة انت شاعر و فنان بجد
و انا عارف انت قد اية حاسس بالمشكلة و صدقني الاجابة عايزة كلمة
بنت الاسلام
و الله يا بطوط مش ناسي
بس مفيش حاجة خالص حولينا تدعو للتفائل الدنيا كلها تشاؤم و الحال من اسوء لاسوء
محمد مارو
طب انا اعيش انت هتعيش مايا
dreaming pocky
انا كمان زعلان على الاهلي
و على فكرة انا اهلاوي
و صدقيني المشكلة اللي بتكلم فيها مش مشكلة وزارة الثقافة دي مشكلة مصر كلها
esmat
و الله حتى البدروم مش طايلينه
و حتى احنا مش قادرين نفتخر بنفسنا
على فكرة انا فرحان جدا بتفائلك اللي اضفى علية شئ من التفائل
eman
بجد قلتي كل كلمة نفسي اصرخ و اقولها عشان بجد احنا لسة بنحب مصر
اسلام
انا مدرك و عارف انك من كبار الاهلوية و بعهدين انا لية عتب عليك
انت مبتكتبش بوستات لية بقى
و الله يا اسلام انا برفع ندائك دة و تعالي نقوله مع بعض في كل حته
يوميات عيل مصر
و الله انا جيتلك فعلا و طليت عليك و مستني تعليقك لى الموضوع
ابو مفراح
اما عن موضوع 1973 فجرب بنفسك و انت تعرف
اما عن حضور الريس انت عارف انا مش هتكلم
مقولنا كدة و نتكلم ف حاجة مفيدة .. لأ ، تمسكتوا بالمعارضة و خلاص .. على رأي مدرس الفرنساوي بتاعي .. نعارض و نقول على النعم لأ و على الـ لأ لأ .. ! عالم عجيبة والله
والله يا شمس انا معاك ف اللي قلته
بس ردود افعل كان مبالغ فيها اوي من بعض الناس
لدرجة تنرفز يعنني
وهقول ايه
احنا ف ايدنا كتير نعمله والله بس للأسف
احنا شعب كسول جداااا ومتواكل
محتاجين نخرج م السلبية اللي احنا فيها دي ونرجع لربنا ونشوف ديننا طالب مننا ايه ونمعله
ربنا يصلح الأحوال وتحيتي ليك على موضوعك الجميل
إهداء ابن عمر
وغدا نفرح بنصر جديد
نصر من شباب المجد التليد
مجد أمتنا وما أراه ببعيد
ويومها هو العيد السعيد
فاليك ايها الشاب الوليد
الا تحب ان تكون كأبن الوليد
فهو من شيد للأسلام مجدا تليد
ولا أقصد ذكر ماضينا التليد
بل اريد ان يكون فينا وليد
وليد كصلاح الدين أو يزيد
يعيد فينا نخوة الأسلام من جديد
فيا مليار اما فيكم من وليد
يجعل العز لنا يعود
ويصغ مستقبلنامن جديد
Post a Comment