في الاول انا متأسف عن تأخري في الكتابه
بس اعزروني عشان الدراسه
المهم
ان مش عارف اخرت تدهور الشعب ايه
في الاول ظهرت حكايه ان الرئيس مات
وفي الاخر يطلع ده كله اشاعات
بس يا تري من اللي نشر الاشاعات دي
هل الحكومه ام الشعب الغلبان الضعيف ؟؟؟؟؟؟؟؟؟؟؟
وبعد كده حصلت الخصخصه
اللي اتباع فيها عمر افندي وشركه الكهربا
وبرده الشعب ساكت مفيش تحرك
بس الجديد واللي انتشر كتير في الوقت ده
مشكله زياده الاسعار
ناس كتير اتكلمت علي كل الموارد اللي مفيش غنا عنها
زي السكر الي هيبقي الكيلو 7و8جنيه
وايضأ الزيت اللي هيبقي الازازه 10 جنيه
والكرثه بقي هتبقي في الانابيب
اللي هيوصل سعرها الي 30و35 جنيه
وغيرها من الحاجات التانيه
وده كلام الناس دلوقتي في الشارع المصري
مش كلامي انا
طيب ولو ده حصل
الناسي الغلبانه هتعمل ايه عشان تعيش
تسرق يعني ؟؟؟؟؟؟؟؟
ولا تنصب ؟؟؟؟؟؟؟؟؟
ولا تعمل ايه عشان تعيش
سؤال تاني ولو حصل
هل الشعب هيفوق من الغيبوبه ؟؟؟؟؟؟
ولا يفضل نايم في العسل
مفيش اي تحرك زي كل مره
ياريت نتحرك ونقول راينا
بكل صراحه وبدون خوف من اي شيئ
انا دلوقتي حاسس اني بشوف قصه وهي الشعب
وعايز اعرف اخر القصه والحكايه دي فين
واشوف الناس بتقول ان 
26 comments:
أسجل تقديري وتحياتي ...
هيثم
اشكرك علي التعليق
والله انا معاك فى كل اللى قلته
انا معرفش الشعب ساكت ليه
انا كمان هكتب فى الدونة عن الغلاء
تحياتى يامحمد
ضحي
انا بشكرك علي الرد
وياريت كل الناس تتحرك
وانا وانتي وغيرنا ومنعرفش الشعب ساكت ليه
ويارت تكتبي وغيرك يكتب علي كل المشاكل وسكوت الشعب
طبعا بعد مخت الختم الجودة وشهادة ايزو من استاذ هيثم ابو خليل
مينفعش حاجه تانى تتقال تانى غير
يا بختك
احمد الجيزاوى
جيزاوي
شكرا علي الرد
ولكن ليا سؤال
مين استاذ هيثم ابو خليل
ويا بختك علي ايه
اسلام بوست مميز
وصعب جدااا نعرف الشعب هيتحرك امتي
لكن بكل تاكيد
هيتحرك
تحياتي
بنت الاسلام
اشكرك علي الرد
بس يارب يسمع منك ويجي اليوم اللي اشوف الشعب يتحرك فيه
بس يا تري الشعب يتحرك امتي بعد خراب مالطه ولا امتي
تحياتي
اية يا بني الجمال دة تغيب تغيب و تطلع بابدعات الله عليك
شمس
شكرا علي التعليق
وانشاء الله مفيش غياب تاني
كلام رجاله ممتاز اعانك اله
عمر
اشكرك علي الرد
وياريت نشوف حد اتحرك وعمل حاجه
أولا تحياتي لك يااسلام على البوست الجميل ده بس الشعب هيعمل ايه
مظاهرات هيصوتوا في الشارع ومحدش هيسأل فيهم والامن المركزي يضربوهم في الشوارع يبقى هيعمل ايه الشعب الغلبان دانا هقولك كمان على مصيبة اكبر ان الدواء نزل قرار بزيادة سعره يعني العيان من الغلابة يروح يموت علشان الكبار يعرفوا يعيشوا
تحياتي
العندليب
قول يارب!!
بالمناسبة يا ريت تشرف مدونتي بالزيارة ^^
شكراً..
محمد المصري
هي لعبة يا اسلام وملعوبة صح
واحنا متخدرين ونايمين في العسل نوم وكل واحد فينا اللي خايف على نفسه واللي خايف على عياله واللي يقولك وانا مالي هو انا اللي غير الكون
وعمرنا ما هنتعدل ابدا الا لو هبينا ومش عارف بصراحة ده هيحصل كمان كام قرن
لكن خلي أملك في ربنا كبييير
فالظلم مهما طال لابد له من نهاية سواء بإيدينا احنا او بايد حد تاني
المواطن المصرى من الفقر لا يستطيع الكلام
******
فى رسالة عندى يارت تنشرها
الرساله على
مدونة ابن عمر
27582715عندليب
انا مش عارف اقلك ايه
بس اللي اقدر اقوله ان الشعب ممكن يعمل كتير لو اتحرك ايد واحده
يعني مش مظاهرات وبس
وياما شعوب حرره نفسها من الظلم
وغيرت كمان وزرات وحكومات
ولو كل واحد قال انا هعمل ايه
يبقي مفيش حد هيتحرك
وانت بتقول كمان ان الدواء هيزيد سعره
تبقي الناس تعيش ازاي وتعمل ايه بقي لما حتي العلاج يزيد
يبقي كل واحد غلبان عيان يموت
وبرده هنفضل سكتين
تحياتي
محمد المصري
بصراحه في الوقت اللي احنا فيه ده مش هنقدر غير اننا
نقول يارب وحسبي الله ونعم الوكيل
الام وامال
بجد هو دلوقتي الحكومه بتلعب بالشعب
زي متكون بتلعب كوره
تمشينا كده وكده ومحدش بيتكلم
وفعلا علي رايك كل واحد دلوقتي بيقول من عايش وخلاص عايز ايه تاني
وياريت نتحرك حتي ولو بعد الف سنه
ولحد ما يجي اليوم ده نقول يارب
ابن عمر
فعلا ممكن يكون الفقر او الخوف هو اللي عامل كده في الشعب بس ليه منتحركش ونصلح من نفسينا ونخلي كل الناس متساويه مع بعضها زي مكان بيحصل في عهد عبد الناصر والسادات
وياريت اشوف الزمن ده يرجع تاني
وان شاء الله انشر اللي انت عايزه
تحياتي
والله يا محمد ما احنا عارفين
احنا رايحين فين ولا نوصل لايه
بس صدقنى احنا اللى الجبن خارس السنتنا
علشان كدا وصلنا للحال ده بايدينا
تحياتى
desert cat
شكرا علي التعليق
بس ليه نخاف ونجبن
يعني كل الي بيتعمل ده وبرده احناخايفين
طيب لحد امتي نفضل خايفين
لحد لما نلاقي الاستعمار في ارضنا
ولا لحد امتي هنفضل حطين دمغنا في التراب
وعلي فكره انا اسمي اسلام مش محمد
تحياتي
اولاو قبل كل شىء اسمح لى اهنيك ع حاجات كتير
اولا الموضوع رائع و تعليقى ان مهما يحصل شعبنا طيب مش هيعمل حاجه
ثانيا
احيك لانكفى سن كتير من اللى زيك
ليهم اهتمامات تانيه
الله عليك و على حسك الوطنى و شعورك بالمسئوليه فى السن ده
مارو
اشكرك علي التعليق
واحب اققلك ان الشعب انا معاك ان هو طيب لكن مش عشان طيب يسيب البلد تولع ويقول انا مش هقدر اعمل حاجه
دي سبحانه الله الشعب 78 او 80 مليون
والحكومه عشرين منهم بس
ومش ادرين نعمل حاجه
وياريت كل واحد يبقي عنده طبيعه الخوف علي البلد ولانتماء
تحياتي
وكل عام وانت بخير بمناسبه العيد الاضحى
وتقبل الله منا ومنكم
احمد الجيزاوى
وانت طيب يا جيزاوي
وبعوده الايام
ويكون عيد سعيد علينا وعليكم
Post a Comment