بسم الله الرحمن الرحيم
والله يا جماعة أنا فقدت القدرة على الكتابة...فسامحوني..مش هقدر غير إني أنتقي كلمات بعض الأغاني و أنقلهالكم...عشان تعيشوا معايا أحاسيسي العجيبة اللي أنا فيها دي
و والله ده كمان في مدوناتي....ما بقاش عندي القدرة إني أكتب حاجة جديدة..و لا شعر..ولا نثر
ودي من أجمل أغاني محمد منير
قلب الوطن مجروح...لا يحتمل أكتر
نهرب..وفين هنروح...لما الهموم تكتر
نحمي غصون الورد...من دمع سال ع الخد
آه يا حبيبة الروح...قلب الوطن مجروح
لو حتى قلبي تاه...بين الشجن والآه
ياللي لقاكي حياة..أنا حبي ليكي..صلاة
يا مطيرة العصافير...رجع الهوا بالخير
لو قلبي عاد...ضميه
إديه حنان...وداديه
ده الصمت مش لينا
فين الولد ما يروح....لازم يعود أسمر
قلب الوطن مجروح...لا يحتمل أكتر
لو تنطقي الموال....لازم يروق الحال
محتاج ليا دراع....و شراع وراحة بال
محتاج ليكي نجوم....هايمة في حضن هلال
لو بحرنا...نسقيه
صحيه..وبوسي عينيه
ياما بكرة يسقينا
خلي طريق البوح...يصبح طريق مرمر
قلب الوطن مجروح...لا يحتمل أكتر
3 comments:
يا وحدانية الشوق رماكي
ع الهم ولا انتي غاوية
سنين طويلة
القلب هايم
وانتي يا ضي عيني قاوية
سعات احس ان السنين
تزحف علي ضهر الزمن
وسعات باشوفك والحنين
مدفع عيونك التمن
.
.
.
.
.
شدي حيلك واكتبي
اغاني معروفة
شعرك انتي
نثر
هنا او في مدونتك
خلي عندك ثقة . اني فيه ناس هتقرالك ومستنياكي
.
.
.
تحياتي
عزيزي آدم
أشكرك على تعليقك اللطيف وكلماتك الجميلة جدا
أوعدك إني هبدأ تاني أهه
يمكن ربنا يفرجها من عنده
منى
كلام منير مؤثر قوي
Post a Comment