اولا كدة واجب علينا نهني وحدانية
على مدونتها الجديدة
و نهني التابعي على مدونتة الجديدة
و في الاخر كدة نعلن افتخارنا ان المدونة في القلب بتكتب معانا
------------------
المهم اني هرجع اقول هو ينفع ؟؟؟؟؟
هتقولولي ينفع اية ؟
اقلك زماااااااااااااااان قوي
حصلت حرب كبيرة في الغابة اسفرت عن سقوط ضحايا و موتي
و نجى منها
نسر قلبة مجروح
و فهد فيه جراح في جلدة و لحمه
جراح مش قاتلاه لكن محسسا بالالم
و اسد عجوز فقد عنيه في الحرب
اتعرف الثلاثة على بعض
و حبوا بعض
و عرفوا بعض مواطن قوتهم و ضعفهم
و اتحـــــــــــــــــــــــدوا
و في يوم من الايام
عرفوا ان الغابة كلها في خطر
الانسان المعادي الجاحد داخل ياخد خير الغابة و يطلعه براها
و مع انهم شافوا ان الحرب خسرانه لكن اتحدوا
و حاربوا عشان بيحبوا الغابة دي قوي
الصقراللي قلبه وجع نسي الوجع و حارب
الاسد العجوز الاعمى قاتل بكل كفاح و لو كان لسة اسد شباب و مفتح
الفهد قدر يصبر على الحرب بشراسة متحمل جراحه
مكسبوش الحرب و مخسروهاش
و لسة الحرب مستمرة الثلاثة اجرحوا و جرحهم زادت من الانسان العدو المقتحم للغابة سارقها
عمرهم ما حسوا بالضعف
و كان مع كل امل جديد و فجر جديد تجدد قوتهم
لكن لقيتهم النهاردة بيطلع عليهم فجر جديد و هما بيضعفوا
طب لية سالت عن سر الضعف
عرفت ان الفرقة الثلاثة اتفرقوا
بقى كل واحد بيقاتل في جبهة
و من حبهم في بعض بيقاتلوا بعض على بعض
ما بقتش غابة بقت سرك
يا فهد ينفع الكلام دة
عشان جراحك اقل ما فيهم هتقدر تحارب في الغابة لوحدك
و انت يا صقر قلبك مين يحميه من الموت لو بعدت عنهم
و مين هيحمي الاسد الاعمى
و انت يا اسد ازاي تبيع القضية مبقتش فارقة معاك
اتحاد فرقة نصر هزيمة سبت نفسك للتيار
هو ينفع الصقر و الفهد و الاسد يعتزلوا مناصبهم و يلعبوا دور بلياتشوا فسيرك ؟
ينفع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-------------------------------------------------------------------------
ملحوظة : يا جماعة اللي قرا البوست اللي اتشال كان بيحمل نفس معنى البوست دة
-----------------------------------------------------------------
8 comments:
الف الف مبروك
يا سعده ياهناه اللى اوشا اشتركت معاه
مبروك ليك ولأوشا الجميلة
تحياتى
أولاً يا شمس بشكرك من أعماق قلبى
على الترحيب
وبشكر البرنسس على الكلام الشهد المكرر
ألى ديما تقوله عليا
والبوست ده أنا بقول مينفعش مينفعش
الأبطال يصبحوا مهرجين
ويدحكوا أعدأهم عليهم فى السرك
بس هما بقو كده عشان السلطه والجاه والمال
بصو للدنيا
وياويل الى يبص للدنيا
تدوووووووووووووووووووووس عليه
باحقر حذاء تملكه
الحكيات القديمه علمتنا كده
بس مين يتعظ
ودمتم لنا سالمين
أقسملك بالله أن الكلام دة قصر فيا بجد قوى أنت فنان لكن أؤكدلك أن والله العظيم والكلام دة منى أنا الفهد والاسد والنسر عمروهم مهيتفرقوا أبدا لأنوا مينفعش
princessdodo
مرسي على زيارتك و ان شاء الله تكرر
في القلب
متهيئلي ان كلامك في شئ من الصحة
لكن انا عايز ابشرك ان الاسد و الفهد و الصقر تقريبا حاليا بيتحدوا تاني
محمود التابعى
كدة تكشف السر ينفع يعني
على العموم يا حبيب قلبي كل اللي انت قلته صح
تحياتي للاصدقاء المدونين الجدد
و عن الموضوع فهو تبسيط لواقع المجتمع كله حتي بين افراد الاسر
و الصراحه ينفع الوحش يبقى مهرج لو خضع للهزيمة و استسلم و ده مش شكل الشجاع لانه ما بيرجعش عن هدفه ثانيا هما لسه ما بقيوش مهرجين لانهم بيدفعوا لسه عن الغابه بس لازم يتحدوا و يعرفوا انهم بيمروا بمحنه و لازم يصبروا علي بعض و ده علشان يكملوا شجعتهم و نصرهم
اللهو الخفى
يعني برضة الحل في الاتحاد
Post a Comment