بسم الله الرحمن الرحيم
أول بوست ليا معاكم
هفكركم بحاجة
إهانة الرسول صلى الله عليه وسلم
إمبارح
كنت في السوبرماركت
حبيت أبدل نوع من أنواع الجبنة بنوع مصري
الكاشير قاللي يا فندم دي أنضف
قلتله بس دانماركي...مقاطعة
ضحك من قلبه وقالي : إنتي لسه فاكرة
إحنا نسينا
يا خبر أبيض
نسينا ؟؟؟؟
إزاي نسينا
مش قادرة أفهم
نسينا إيه أصلا ؟؟؟؟
ماهو اللي إحنا فيه ده
هو اللي خلى شوية ناس زي دول يتطاولوا
على سيد البرية
عشان نسينا
تجاهلنا
كل واحد قال ما فرقتش على 2 جنيه
و ال2 بقوا 7 و بعد كده 38
عشان نسينا
!!!!!!!!!!!
ده إحنا عندنا في الصعيد اللي يرشنا بالمية
بنرشه بالدم
و تار بأى وليلة
نسينا إزاي تارنا بسهولة ؟
نشف دمنا جوانا ؟
و لا خلص....؟
إخص.....ألف مليون إخص....علينا
منى المحمودي
7 comments:
اولا يا منى اسمحيلي انول شرف اول تعليق
و بداية موفقة جدا
فعلا في ناس كتير اوي نسيت او تناست عشان تقضي مصلحتها و تعيش حياتها و نسيوا انهم لو دافعوا عن سيد البرية كان ربنا وقف جنبهم و ساندهم و ايدهم بنصر من عنده
السلام على من اتبع الهدى ودين محمد الذي جاء بالحق
والله انت عندك حق في كل اللي انت كتباه ياانسة منى بس مين يقول ومين يسمع بس نقول حسبي الله ونعم الوكيل في كل من تطاول على سيد الخلق اجمعين
ياه يامنى
كويس أن ربنا ورانى حد لسه فاكر الموضوع ده قبل ما أموت
أحنا العرب كده نطلع وننزل على مفيش
لأن معتش عندنا مبداء ولا أيمان كافى
ربنا يخليكى يا منى أنتى والقله ألى زيك
فعلاً بوست هايل وللأسف فيه ناس كتير أوي نسيت الكلام ده بس بقى هنعمل إيه ؟؟ دي حكمة ربنا وأكيد هو قادر إنه يرد اعتبار نبينا محمد أكتر من المسلمين كلهم
تحياتي ليكي ولأول بوست
هو اكيد الناس بتنسى كل حاجة بمرور الزمن بيتلاهوا
بس اعتقد الدنمارك كانت اعتذرت يعنى خلاص و انهم مش هيعملوا خطأ زى ده تانى بعد ما عرفوا رد الفعل
غير طبعا ان احنا اللى علينا الغلط لعدم قدرتنا على توصيل المفهوم للاسلام بدل اللى هما فاكرينه بالارهاب و غيره
تحياتى
مساء الخير بداية وكل سنة وانتى طيبة بمناسبة قرب رمضان
بصراحة احيي فيكي الغيرة وقوة الموقف انا بجد مش عارف اقول اية بس إلا انا متأكد منو فعلا انو نفوس الناس اتغيرت بشكل مهول وخطير جدا وبتبيع وتشتري بأي حاجة بأي حاجة
تحياتى
.العَبدِالرَحَمن
أنا سعيدة جدا
إن البداية عجبتكم أشكركم
أعز الله الإسلام بنا
اللهم آمين
منى
Post a Comment