اية فية اللي بيحصل
مش عارف و الله ما اعرف
المهم اني زي اي شاب عادي
عايز اشتغل و ابقى بني ادم منتج في المجتمع
عايز اكون نفسي و يبقى عندي شقة
و حتة صاجة على اربع عجلات اقلك بلاش الصاجة ام اربع عجلات
عايز احب الناس لقلبي مش يبعد عني
بالعكس يقرب مني
عايز لما اروح اقول بحبك لسندريلا
تقولي و انا كمان
طبعا اللي هيقرا البوست دة بنظرة عامة
يقلك الراجل دة طماع
انا مش طماع
ما هو اللي انت متعرفوش
اني لو في بلد عدله كان كل دة تبقى حقوقي
انا مش معترض و مش عايز اعترض
بس لو ما اتلكمتش هنفجر و لو انفجرت هروح
و هودي اللي حولية
و انا مش عايز كدة
انا بحلم بالخلود
اقلك انت زهقت مني
سلام عليكم
------------------------------
------------------------------
ملحوظة : عشان احنا مدونة عيال بتسيح باسرار شغلها
الاستاذ العندليب انسحب من الكتابة مؤقتا ( السر الاول
المدونة الرائعة في القلب كانت وعدتنا ببوست و لسة مش شايفينته الجمهور هيشمت فينا انصفينا بقى ( السر الثاني
12 comments:
شمس
في الاول تسمحلي انول شرف اول تعليق
الموضوع وما فيه ان فعلا ده عيب دوله مش عبنااحنا
دفعات كتير اوي بتتخرج ومحدش بيشتغل
الا للي معاه فلوس ووسطه والناس الغلابه تولع ونيجي ونقول ده في شغل كتير طيب هوه فين
اصدكم علي عامل النظافه هي شغل محترمه بس متنفعش للمهندس وللمحامي ولغرهم من الشهادات
عفوٍِاهوه ده زمن الكوسه
تحياتي
حبيبي شمس
أحب أعترض على بعض من كلامك
لسبب واحد بس
طول ما إحنا جوانا الأمل والعزيمة وبنحلم ببكرة أحلى حتى لو كانت الدنيا كلها زي الزفت مش البلد بس
صدقني حتلاقي حاجات كتير أوي أتغيرت وطول ما إنت بتكافح وبتحارب علشان تلاقي نفسك عمرك ما هتلاقي حد يبعد عنك أبداً
أما غير كده بقى ويبقى مفيش غير الاستسلام لليأس والهروب من الواقع عمرك ما هتقدر تحقق أي حاجة وكمان مش هتلاقي أي حد جمبك
دي وجهة نظري المتواضعة
تحياتي يا شمس
يا سيدى متزهقش كده
كلنا زيك و الله
بس انا نفسى مش اربع عجلات
نفسى اركب مواصلات براحتى و فى جيبى فلوس ادفع الاجره
ههههههه
ابو مفراح
أبدا يا شمس
أنتى مش طماع دى أحلام شاب عادى جداً
بل بالعكس ده أقل حلم
المفروض الشباب يحلم بأكبر من كده
ربنا يديك يا شمس كل ألى أنتى تتمناه
والبوست واللهى جاهز بقاله أربعه أيام بس أنا خايفه أعمله ببلش من غير ما أخد رأيك ومش عارفه أشوفك على النت
عموما حالاً هبعته بالطريقه المعتاده ويارب مغلط فى حاجه
بصراحة ياشمس أنت برده طماع أوى يا أخى عايزة شغل وفلوس وعربية وشقة وتتجوز د كلام كبير أوى ، وبعدين يعنى أنا راضية ذمتك لما أنت لوحدك يبقى عندك كل ده أمال الحرامية ألى فى البلد يعيشوا أزاى يعنى عايزهم مثلا يسيبوا القصور والفلل ألى هما عايشين فيها أو يدولك فيلا من ألى بيروحوا بس يرتاحوا فيها علشان أنت تعيش حياتك الطبيعية ده كلام برده ياراجل. عموما أنا يعنى مش بقول حاجة أنت طبعا ألى غلطان مش كده والا أيه.
اسلام
اولا احلى حاجة انك اول تعليق
ثانيا انا عارف ان كل دة في بلدنا بس عفوا سوف يكون زماننا نحن
عاجبني اوي التفائل بتاعك يا نوشة بس يا ترى التفائل دة من برة بس و لا برة و جوة
بو مفراح
المتابع الجيد
هههههههههههههههه
انا كمان نفسي زيك وضح ان احنا واحد
في القلب
شفتي بقى اني مش طماع بس عايز احلم و الحلم مش عيب
وحدانية
دايما تذكريني بالخير و القريب العاجل
خفاقات قلب لكل البشر
واضح ان الحرامية و اللصوص و الوسطة خلوكي فقدتي الامل في الحلم
انا مع نوشا في كل كلامها
من حقك تحلم
بس الواحد يحلم بس ميسرحش لبعيد لاوي
علشان ميتعبش
وبالاصرار ومع وجود روح التحدي
هتقدر تحقق حلمك
بس الواحد يبدا صح
Post a Comment